RADYONOU, 20 Avril 2012- 20 Avril 2015

Sete you 20 Avril 2012 lè nou te komanse ak premye emission RADYONOU. M sonje nou te komanse ak you Laptop Mac ak you mikro. M sonje tou kout men Herns Pierre-Paul te ba nou pou nou konkretize rev sa. Twazan aprè kote nou ye mezanmi. Gras a Dye nou gen you studio menm jan ak anpil gwo radio, nou sonnen byen menm jan ak anpil gwo teno nan zafè radio. Nou bezwen plis moun pou ki ta ede nou nan zafe emission , men li pa fasil . Ki rev nou ou byen ki pwoje nou genyen pou RADYONOU? An bon ayisyen nou ta renmen mete , chita RADYONOU Ayiti e spesyalman lakay nou Leyogann. Nou swete nan dezan anko swa an 2017 rev saaa ka vinn reyalite malgre Leyogann chaje ak lot RADYO. Men nou menm nou vle you bagay modenn, ou radio ki ta dwe diferan de lot yo. Pandan nap fete 3 zan saa nap remesye kolaboratè imedya nou yo : Roosevelt Pierre ( Peter Andy) ak Eloge Jean –Elie. Nou paka bliye Marc- Elie Adraste vye zanmi nou nan Gragwav ki toujou sipote nou, Pè Claudy Duclervil ki toujou bakup nou, ede nou ak konsey li yo. You gwo kout Ayibobo pou Fersam Allifleur ki toujou ekri teks pou website RADYONOU an malgre li pa gen tan ak travay li. Kelkswa kote ou ye nan mond lan depi ou konn tande RADYONOU pou 5minut pou piti nap ouvri bouch an nou byen gran pou nou di ou mèsi. Mesi pou ekout ou , mèsi pou sipo ou. San ou nou te ka pa wè 20 Avril 2015 sila . Objektif la se pou 2017 pou RADYONOU nan lakou Leyogann , ann ede nou fè rèv sila fè chimen li pandan wap kore nou chak jou , chak minut , chak segond. Mezanmi mèsi , mèsi anpil 

GT , PDG RADYONOU

Leave a Reply

Your email address will not be published. Required fields are marked *