Komisyon Po piman

par admin
36 vues

Si nou wè leta di l gen yon kadav ki pa jwenn plas li nan simityè
Gen yon zonbi papa bawon refize
Si nou wè leta di l nanpwen sèkèy,Simityè ap refize kadav se li ki lakoz
Si nou wè leta di leta kilè l ap prezan
Di leta m fèk li nan jounal gen twa zannimo k ap goumen pou sant li
Di leta pa krache atè pou pa gen plis vè nan lari
Di leta sispann mache San kanson si non trip li ap tonbe
Si nou wè leta di leta kilè n ap fin seche dlo nan je pòtoprens
Rèv nou gòs rèv nou balonnen
Leta patati leta patata
Leta kè plen
Men je n men je leta
Leta alkali twa de gout
Leta vomisman milèt fyèl zandolit pise kabrit krèk kayiman
Leta kanf leta kòf leta kenskòf
Leta kòfrefò kraze sèkèy pou kofre jefò
Leta San karaktè san fyète San diyite
Leta nen frèt nen chen
Leta klopi klopan
Leta pat lalwa leta grese pat leta kat pat leta pat leta pat chat
Leta tou limon tou limen
Leta dekò leta rekò
Leta trip fomi
Leta krèy leta dèy leta mèvèy
Si nou wè leta voye rele m voye chache m pou m Gad leta nan je
Leta kreve leta gòs leta pèdisyon leta pèdi son
Son dans pou malere
Leta ti glòs lwil leta San koutcha
Leta sab lanmè
Leta anmè
Leta mantèg leta dis kòb
Leta vant deboutonnen
Leta gonfleman
Si nou wè leta dil tèks sa a se yon komisyon po piman

Mouche Tenten

Vous pourriez aussi aimer

Laisser un commentaire