Rara leyogàn pral frape tanbou pou rekonsilye nasyon an

par admin
46 vues

Tankou jan sa ye chak ane, depi peryòd kanaval la bay do se rara ki di bonjou.

‘’Ann frape tanbou pou rekonsilye nasyon an’’ ,se anba tèm sa moun leyogàn nan 13 seksyon yo, nan katye twen, ak nan mitan vil la pral kannale soti 3 Mas rive 18 Avril 2022 an.

Se ‘’Mairie’’ leyogàn nan ki anonse tèm sa nan yon nòt ki pote siyati Wilkens Menard Direktè Kilti ak kominikasyon ‘’Mairie’’ an.

Nòt sa presize tèm rara a akouche aprè de rankont Majistra Ernson HENRY te mennen, youn nan jou ki te vandredi 18 Fevriye 2022 a, reyinyon sa te fèt nan Meri an avèk chèf sèvis yo, lòt la te konsène plizyè reprezantan ‘’URAL; Unions des Rara de Léogane’’ se enstans ki kwafe tout bann rara yo nan leyogàn.

‘’Ann frape tanbou pou n rekonsilye nasyon an’’ tèm sa ki fè n kwè nasyon an divize, tanbou se youn nan zouti ki ka pèmèt nou jwenn chimen lanmou. Enstriman sa anpil moun fè kwè li te ede nou anpil nan batay pou n jwenn libète.

Sezon Rara leyogàn nan ap tanmen 3 Mas k ap vini la, lè tout bann yo pral liminen nan demanbre yo.
Premye kav la se Samdi 5 ak Dimanch 6 Mas 2022 a ka Briyant Laflewone, Akolad Flon nan seksyon Ti rivyè, Chenn Tamaren nan seksyon Desous ak Kiyè Fè Marechal nan Gran rivyè.
Gran defile a se Dimanch pak, 17 Avril 2022.
Ane a Rara ap bwè dlo bouch li lendi 18 Avril, se dènye kav la kay Renome Bèlòk ak Kafou Mètsiyen nan Desous, Sentwoz gwo bèf nan Ti rivyè.

J Fevrius Gallardo CHARLES

Vous pourriez aussi aimer

Laisser un commentaire