Vodouyizan pa nan nwèl, bon Makaya

par admin
32 vues

Chak ane depi novanm bay do Desanm tanmen toupatou sou latè se fèt nwèl.

Fèt Nwèl la vini nan yon Moman kote kretyen yo di y ap fete nesans jezi.
Fèt sa tou gen yon latriye richès atistik, se youn nan Moman anpil moun nan anpil peyi pataje anpil nan sa yo posede.
Fèt sa ki senbolize pa yon pye sapin ki gen rapò tou ak dekrisyanizasyon ewop nan epòk modèn nan.

Dèyè tout gwo koze sa yo , gen yon sektè nan mond lan ki voye jete pratik sa yo jis byen lwen.

Vodouyizan pa nan fete nwèl, pa gen anyen nan vodou ki gen rapò ak nwèl.
Anpil kritik moutre pa gen okenn referan ki anndan tradisyon vodou ki tradwi nwèl.

Selon sèten moun , Nwèl se yon fèt yo pote bay ayisyen alòske nan epòk sa pito w vodouyizan ayisyen an ta dwe ap fete makaya.

Si n p ap konsidere san demanti, istwa makaya se te yon moun yon esklav nan koloni an.

Makaya vle di fèy, fèy vle di gerizon.
Donk, makaya se Moman pito w pou vodouyizan yo soti Desanm pou rive Janvye pile fèy , bale wouze ak pwòpte lakou yo.
Yo sogwe timoun yo, mete anbyans fè dans resevwa lwa yo manbre lakou yo.

Se Moman pou yo mete plis fòs sou sèvitè yo pwiske gen yon lòt ane ki pral antre.
Pratik makaya a pa gen anyen pou wè ak fèt Nwèl kontrèman ak sa anpil moun panse.

Nwèl se yon fèt nou adopte pa akiltirasyon, Malerezman li tonbe nan menm epòk vodouyizan yo ap fete makaya.
Makaya se sezon pou vodouyizan yo di fèy, pou chache pwoteksyon pou lakou yo pou ane k ap antre a.

Peryòd sila soti depi nan sòltis ivè a, pwolonje ale.
Nwèl la pa enfliyanse vodou a nan okenn fason.
Pratik rityèl vodouyizan yo fè nan Moman sa tou pa gen anyen pou wè ak nwèl.

Si pou krisyanis yo mwa Desanm se mwa Nwèl se yon fèt ki charye yo anpil pataj.
Bò kote pa sektè vodou a se diferan, yo fete pito w makaya se Moman yo kase fèy pou kouvri malè.

J F Gallardo CHARLES

Vous pourriez aussi aimer

Laisser un commentaire